Rinugianen iti Department of Social Welfare and Development (DSWD) dagiti addang a mangsubat iti epekto ti Very Strong El Niño.
Kangrunaan kadagiti programa ti ahensya ket ti Project LAWA wenno ‘Local Adaptation to Water Access’ ken BINHI wenno ‘Breaking Insufficiency through Nutritious Harvest for the Impoverished.’
Segun kenni DSWD Spokesperson ken Disaster Response Management Group Assistant Secretary Irene Dumlao, nakaipasdek dan ti 5,311 a LAWA sites nga addaan kadagiti farm reservoirs, irrigation facilities, ken rehabilitated waterways.
Agdagup met ti 8,671 a BINHI sites dagiti naipasdek ti intero a pagilian, pakairamananen dagiti communal vegetable gardens ken root crop farms.
Nakapamaysa dagiti programa iti water access ken seguridad ti taraon kadagiti vulnerable sectors, a pakairamanan dagiti marigrigat a komunidad.
Kas paset iti food security measures, banbantayan iti DSWD iti temperatura kadagiti bodega da tapno maliklikan iti pannakadadael dagiti family food packs gapo iti nakaro a pudot.
