Mangipaay iti Department of Social Welfare and Development (DSWD) dagiti water filtration kits kadagiti komunidad a makapadpadas ti kinakurang ti nalinis a mainom a danum gapu iti epekto ti El Niño ken dadduma pay a didigra.
Segun kenni DSWD Secretary Rex Gatchalian, kabaelan nga i-filter dagiti portable kit iti napeggad a mikrobyo ken bakterya iti danum, karaman dagiti mangigubgubuay ti cholera, salmonella, ken E. coli wenno Escherichia coli.
Impasigurado ti ahensya a nakapasa dagitoy iti pagallagadan ti Philippine National Standards for Drinking Water (PNSDW) ken addaan ti sertipikasyon manipud Food and Drug Administration (FDA).
Kagiddan daitoy, papigsaen met ti DSWD iti Project Local Adaptation to Water Access (LAWA) ken Project Breaking Insufficiency through Nutritious Harvest for the Impoverished (BINHI) tapnu masigurado iti naan-anay a taraon ken matulungan dagiti pamilya a makabangon iti epekto ti panagbalbaliw ti klima.
