Silulukat iti gobyerno ti Pilipinas a makitinnulong kadagiti miyembro ti Association of Southeast Asian Nation (ASEAN) tapno sungbatan iti kumarkaru nga epekto ti El Nino, nangruna kadagiti lugar a direkta a nakasango iti Pacific Ocean a kangrunaan nga apektado.
Segun kenni Department of Social Welfare and Development (DSWD) Secretary Rex Gatchalian, pasingkedan dagiti member-countries iti pannakitinnulong da tapno maprotektaran dagiti nakurapay ken vulnerable sector kontra iti epekto ti nasao a weather phenomenon.
Mabalin kunana nga anyaman nga epektibo iti sabali a pagilian ket epektibo met laeng iti dadduma a nasyon, isunga kasapolan ti panagkaykaysa dagitoy tapno sangsangkamaysa a maipatungpal dagiti best practices.
Iti agdama, adda iti kabuk-bukodan a programa dagiti miyembro a pagilian tapno matulungan dagiti pamilya a kangrunaan nga apektado iti krisis, a maitunos iti kasapolan ken mapas-pasaran nga impact ti el nino.
Impaganetget pay ti sekretaryo a napateg iti panagsisinnukat ti ammo ken kapadasan dagiti pagilian iti tay-ak ti social protection, nangruna ket awan ti maipatpatungpal a maymaysa a modelo tapno masungbatan iti nakaru nga epekto ti agdama a very strong El Niño.
Nangipeksa iti kumpiyansa iti sekretaryo iti kabaelan dagiti ASEAN member countries a makai-binglay iti epektibo nga addang tapno lalo a mapatibker iti proteksyon kadagiti marigrigat ken vulnerable sector.
