Nakangato ti Maximum Alert Status kontra iti forest fire a posible a tumpuar gapu iti nakaru a kinapudot ti panawen bayat nga adda iti kangitingitan ti El Niño phenomenon.
Inaramid daytoy ti Department of Environment and Natural Resources (DENR) tapno maitunos kadagiti addang kontra iti posible a pannakapasamak dagiti uram iti kabakiran ken ru-ot a mabalin nga agwaras iti komunidad.
Kagiddan daytoy iti panagdeploy kadagiti kameng para iti forest protection, panagsanay kadagiti forest officers, panagipasdek iti firelines, ken nairut a panangipawil iti open burning wenno panag-puor iti anyaman a klase ti basura wenno materyales usar iti direkta nga apoy nga awanan ti chimney, industrial furnace, wenno kontrolado a pasilidad.
Karaman pay ditoy iti temporaryo a panagrikep dagiti protected areas a maibilaing a high-risk wenno addaan ti nangato a posibilidad a maapektaran ti forest fire.
Segun kenni DENR Secretary Mitch Cuna, iti panagngato ti alerto ket paset ti interventions tapno malabanan iti tikag ken masungbatan iti impact ti nasao a weather phenomenon.
Kadagiti regional office ti DENR, adda dagiti lokal nga interbensyon a maipat-patungpal tapno maprotektaran iti kabakiran ken karuotan kontra iti pangta ti wildfire.
Segun pay kenni Secretary Cuna, naka-full alert ken nakapasidong iti 24/7 standby dagiti Quick Response Team ti Department of Environment and Natural Resources iti amin a regional offices a tumulong iti panag-sebseb ti apoy wenno uram iti kabakiran.
Inallokoy pay ti sekretaryo iti publiko a makikaysa kadagiti addang ken kampaniya ti gobiyerno tapno maprotektaran iti kabakiran kontra iti uram bayat nga agtultuloy ti pangta iti kumarkaru nga epekto ti El Niño.
