BR LA UNION – Natiliwen iti maysa a drug offender a naglemmeng kadagiti otoridad iti aganay 25 a tawen.
Idi bigat ti Domingo, Abril 20, 2025 inarestar dagiti kameng ti City of San Fernando Police Station iti suspek, agtawen itan ti 60, idiay Barangay San Agustin, San Fernando City, La Union.
Babaen daytoy iti bileg ti warrant nga inyisyu ti Regional Trial Court, Branch 29, ditoy siyudad idi October 4, 2000.
Iti suspek ket narekomendaan ti piyansa nga umabot ti Php60,000.00 para iti kaso a panaglabsing iti Section 15, Article III iti Republic Act 6425, wenno maaw-awagan a “Dangerous Drugs Act of 1972.”
