Agingga iti 66 a tattao ti natay bayat a 51 ti nasugatan kalpasan a bimtak ti uram iti maysa nga ski resort idiay northwestern Turkey.
Segun kenni Interior Minister Ali Yerlikaya, maladingitanda unay iti uram a napasamak sadiay Kartalkaya resort iti probinsia ti Bolu.
Kaaduan kadagiti biktima ket bakasionista bayat nga natay met dagiti dadduma kalpasan a limmagto da kadagiti tawa.
Narigatan dagiti bombero a nangiddep iti uram gapu ta ti 12-kadsaaran nga hotel ket naaramid iti napuskol a bato.
Madaydayo ti nadakamat a resort tunggal holidays ken bakasion dagiti estudiante manipud Enero agingga iti umuna a lawas ti Pebrero.
Dumanon iti 30 fire trucks ken 28 nga ambulansia ti nagresponde pakairamanan ti 267 nga emergency personnel tapno maiddep ti uram.
Agtultuloy pay laeng ti imbestigasyon dagiti otoridad no sadino ti nagtaudan ti uram iti ski resort.
