Imbutaktak dagiti otoridad idiay Crans-Montana, Switzerland a ti nauram a bar idi Baro a Tawen ket lima a tawenen a saan a nainspeksyon.
Kinuna ni Nicolas Féraud, Presidente ti Crans-Montana, a napalaos da nga agbabawi iti natakuatan a nagkurangan da. Aklonen da met amin a responsibilidad ken aniaman a pannusa ket silulukat da nga awaten.
Innayon na pay a ti konseho ket nasken laeng a mangisayangkat kadagiti inspeksyon ken panagadal kadagiti amin nga establishimento a kas kadagiti bars ken sukimaten dagiti kusina a pagaammo a nagtaudan ti apoy.
Dumanon ti 50 a tattao dagiti pimmusay ken 100 dagiti nadundunor iti nakaam-ames a trahedya ti nasao a ski resort kabayatan ti panagsarabo mismo ti Baro a Tawen.
