BR LA UNION – Kinumpirma ti Slovakia a nakasagana da nga idaulwan ti peace talks iti baetan ti Russia ken Ukraine, aganay tallo a tawen kalpasan a timpuar ti giyera iti baetan ti dua a pagilian.
Daytoy ket laksid ti akusasyon iti Slovakia a kaalyado ti Russia.
Inyanunsiyo met ni Russian President Vladimir Putin idi Huwebes nga indiaya ti Slovakia nga agserbi a platform para iti posible a peace talks ken saan kunana a kontra iti pagilian da ditoy.
Rinaem ni Putin iti neutral position ti Slovakia iti nasao nga isyu. Ngem impaganetget ni Putin iti kari na a gun-oden da amin a tarigagay da iti Ukraine.
Segun met kenni Slovakian Foreign Minister Juraj Blanar, anyaman a panagsasarita ket rumbeng a maaramid babaen iti partisipasyon ti amin a karaman a partido kabilang iti Russia, saan a kas iti napalabas a Summit on Peace idiay Ukraine idi Hunyo a naisayangkat idiay Switzerland a saan a naimbitiran iti Russia.
Ikonkonsidera met ti Foreign Minister kas maysa a positibo a senyales iti nagbalin a waragawag ni Putin tapno aggibusen ti giyera ti kabiitan a panawen.
Binagaan metten kunana ti Slovakia iti Ukraine idi Oktubre a nakasagana nga ag-host para iti nasao a peace talks.
