BR LA UNION – Natay iti pito a tattao kalpasan a narsuod ti dua a rangtay idiay Russia partikular iti asideg ti nagbeddengan da ti Ukraine.
Immuna a narsuod ti highway bridge idiay Bryansk region a nakaigapwan ti pannaka-derail iti sumung-sungad a tren.
Nakatayan daytoy ti pito a tattao ken nakasugatan ti aganay 66 a pakaibilangan ti tallo nga ubbing.
Kalpasan ti sumagmamano a kanito, narsuod met ti rangtay idiay Zheleznogorsk district ti Kursk.
Gaputi insidente, nadiskaril iti locomotive train ken nauram pay ti bagi ti driver ti tren, segun kenni acting governor Alexander Khinshtein.
Segun iti Moscow Railway, iti insidente ket posible a gapwanan ti “illegal interference in transport operations.”
Kabayatanna, pinaglibakan met ti Ukraine nga isuda ti adda iti likod ti insidente a pannakarsuod ti dua a rangtay iti nagsina a rehiyon idiay Russia.
