Nasapa a narikna ti “Love Month” idiay ciudad ti Navotas babaen ti Kasalang Bayan 2025, nu sadino 70 a pares ti opisyal a nagsapata ti panagayat da idi naangay a mass wedding ceremony.
Karaman kadagiti naikasar ket isuda Augusto Samson Jr., 60-anyos, ken Nelma Lanza, 50-anyos, nga agdendennan ti 20 a tawen.
Kabayatanna, adda met sadiay ti sumagmamano nga opisyales a nangipaganetget ti kimapateg ti kasar iti panangbukel ti natibker a pamilya ken komunidad.
Pinaregta da met dagiti agassawa a mangpartuat ti pamilya a napno ti ayat ken napipintas a sursuro, ipaayan ti atensyon ti panagpadakkel kadagiti responsable nga annak ken ipasiguro ti napintas a masakbayuan para iti am-amin.
Kas simbolo iti suporta, inikkan ti gobierno ti ciudad ti tiglima a ribo ti tunggal pares tapno matulungan ida a mangrugi ti baro a pakasaritaan ti panagbiag a kas agassawa.
