BR LA UNION – Umaboten iti walo dagiti kumpirmado a kaso ti mpox idiay Bangsamoro Autonomous Region in Muslim Mindanao (BARMM).
Daytoy ket kalpasan a manayunan ti tallo pay nga indibiduwal a nagpositibo iti sakit idiay Cotabato City.
Segun kenni City Health Officer/Dr. Harris Ali, kabilang kadagiti tallo a nakaptan ti sakit ket iti 28 anyos a babae nga agdama a maag-agasan; maysa a 72 anyos a lolo ken maysa a 4-anyos nga ubing a lalaki a maipaspasidong iti home isolation.
Impadamag ti opisyal nga iti agdama ket adda 14 a suspected mpox a na-monitor iti siyudad.
Gaputi daytoy, inallokoy ti health official iti publiko nga ingkaso a makapadas ti sintomas ti mpox kas ti panaggurigor, panaguyek. panagsakit ti bagi, panagsakit ti ulo, ken dadduma pay ket dagus nga agpa-amiris iti health centers wenno iti kaasetgan nga ospital.
Impalagip pay ni BARMM health minister Dr. Kadil Sinolinding, a ti mpox ket maysa a sakit a maiyakar babaen ti skin to skin wenno close contact a mabalin a maliklikan babaen ti proper hygiene ken safety measures kas iti panangliklik a maaddaan ti close contact kadagiti indibidwal a mangipakpakita iti sintomas ti mpox.
