LA UNION – Tumul-tulong dagiti walo nga environmental ken weather expert manipud Estados Unidos iti agtultuloy a panang-kontrol iti nag-leak a langis manipud MT Terranova.
Idi Martes a simmangpet dagiti eksperto idiay probinsya ti Bataan ken dagus a nag-deerecho dagitoy iti Incident Command Post idiay Lamao Port idiay Limay, Bataan.
Dagitoy ket buklen iti pito a miyembro ti US Coast Guard (USCG) ken maysa nga eksperto manipud National Oceanic and Atmospheric Administration (NOAA).
Kabayatanna, kampante ni Philippine Coast Guard (PCG) spokesman Rear Admiral Armand Balilo a dackel a bentahe iti expertise dagiti US personnel tapno naan-anay a ma-kontrol iti epekto ti oil spill.
Kinuna na pay a makatulong dagitoy iti coastal management kasaruno iti panagwaras ti langis bayat a ti weather expert manipud US iti mangipakat ti expertise na seknan iti epekto ti panawen iti ar-armiden nga operasyon ti pagilian.
Segun kenni Balilo, dagiti nasao a personnel ti makatulong iti pagilian kadagiti nasao nga aspeto.
