LA UNION – Maysa nga 81-MM mortar iti narekobre ti maysa a chief tanod idiay Santiago Elementary School idiay Barangay Santiago, Bauang, La Union.
Maibasar iti report, nakita ni chief tanod Felix Cabradilla, 44, addaan ti asawa, ti nasao a mortar bayat nga agkalkali ti septic tank.
Naamwan a saan pay a bimtak ti nasao a mortar ken dagus a nai-turnover daytoy iti biang ti Explosive Ordnance Division ti PNP para iti proper disposition.
