BR LA UNION – Nairut iti panangbantay dagiti otoridad kadagiti simmangpet ken na-unload a dua a cargo truck a nakai-kargan iti pakabuklan nga 840 nga Automated Counting Machines ken dadduma pay nga election paraphernelias nga usaren iti masungad a May 12 National and Local Election.
Indaulwan daytoy ti F2 logistics, iti official courier ti Commission on Election, ken ni Atty. Alipio Alonzo Castillo III, Provincial Election III ti Comelec La Union, kadwa da dagiti representative manipud naduma-duma a partido, PPCRV, NAMFREL, uniformed personnels ken kameng ti media.
Naka-schedule met iti sumarsaruno nga aldaw iti panangi-deliver dagiti nasao a makina agturong iti 19 nga ili ken maysa a siyudad ditoy La Union.
Malaksid kadagiti Automated Counting Machines, karaman pay a simmangpet dagiti 117 contingency units ken Consolidation and Canvassing System ken laptops nga usaren inton eleksyon.
Kabayatanna, iti mapad-padaanan a pannakaisangpet dagiti official ballots ket maiturong iti Provincial Treasurer’s Office sakbay a mai-turn over iti naduma-duma a lugar ditoy probinsya.
