Agtultuloy hot pursuit operation dagiti otoridad kontra kadagiti naglibas a riding-in-tandem suspek a nangpaltog kenni Brgy. Chairman ken ti anak daytoy iti national highway iti Barangay Cabaroan idiay ili ti Bacnotan, La Union.
Iti pannakiuman ti Bombo Radyo kenni PCI Reynaldo Soria, hepe ti Bacnotan Police Station, kinuna dagiti nakakita iti pasamak mabalinda a mabigbig dagiti suspek no maminsanda manen dagitoy a makita.
Maipalagip, nagsagaba iti tama ti bala iti saan pay nga ammo a kalibre ni Perfecto Arniego Bucalbos Jr; 23, bayat a nagasat a saan a natamaan ti ama na a ni Punong Barangay Perfecto Bucalbos Sr. ti Barangay Callauit.
Iti agdama, maob-obserbaran pay iti kasasaad ni Bucalbos Jr idinto nga am-amuen pay dagiti otoridad iti pudno a motibo ken ti pakabigbigan dagiti naglibas a suspek.
