LA UNION – Agsasangpeten dagiti surfers a makipaset iti Renextop Asian Surfing Tour a maangay iti nabirngasan a ‘surfing capital of the north’ idiay Barangay Urbiztondo, ili ti San Juan, La Union.
Naammuan ti Bombo Radyo iti mangimatmaton ti Surf Resort nga agpapaay kas mangiwanwan ti nasao nga event, nagtaud manipud iti naduma-duma a pagilyan iti Asya dagiti makipaset ti naduma-duma a kategorya.
Pormal a mangrugi ti blast leg iti paay-ayam inton December 14 ken aglippas daytoy inton December 17, 2017.
Ri Renextop Asian Surfing Tour ket immuna a naangay kadagitoy napalabas a lawas idiay Indonesia ken Japan sakbay a mapasamak daytoy iti Pilipinas para iti maudi a paset ti pasalip para kadagiti agkakalaing nga Asian surfers.
Ti pambato ti Pilipinas a tubo iti probinsya ti La Union a ni Daisy Valdez iti mangidadaulo pay laeng kadagiti amin nga Asyano a surfers a nakipaset iti nasao nga sporting event. (Absalom Flores)
