Imbatad ni defense spokesperson Atty. Michael Poa a raraemen da iti desisyon ti House prosecution a saanen nga ituloy iti Article III ti impeachment complaint kontra kenni Vice President Sara Duterte, a dumakdakamat iti maipagarop a bribery case.
Segun kenni Poa, prerogatiba ti prosecution iti agdesision nu ituloy wenno ibbatanen iti maysa nga artikulo ti impeachment complaint.
Idi damagen nu maibilbilang daitoy kas “small win” para iti depensa, nagkedked ni Poa nga awagan daitoy kas panangabak ken kinuna na a saan da a kayat nga mangala iti aniaman a credit.
