LA UNION – Takderan dagiti nakipaset iti prayer walk a kontra iti coal fired power plant idiay ili ti Luna, La Union a nakasaganada a lapdan iti plano a pangipasdek daytoy.
Sigun kenni Atty. Romeo Camacho, residente ti Luna, La Union, adu kadagiti kakailyanna iti nasao a planta ti kuryente iti saan a simmurot iti prayer walk gapu ti maipagarup a pamutbuteng kadakuada iti lokal a gobyerno sadiay.
Maipagarup a nagpangta ti sumagmamano nga opisyal ti munisipyo a kaselaren iti business permits dagitoy no sumurotda iti aniaman nga addang tapno kontraen ti nasao a plano.
Maipagarup nga adda met dagiti dadakkel a personalidad ken naimpluensaya a tattao iti adda ti likudan ti pammutbuten kadagiti residente isu a saanda a makapagsarita kontra ti konstraksyon ti planta.
Innayon pay ni Camacho, a saan laeng a para iti Luna ti ilablabanda no di ket karaman dagiti kabangibang nga ili a mabalin a makapasar iti dakes nga epekto ti planta iti salun-at ti tao, sangaparsua-an ken uray iti turismo ti probinsya.
Pinadas met ti Bombo Radyo a maala iti reaksyon ni Luna Mayor Victor Marron awn daytoy idiay munisipyo ken saan met a nangted iti reaksyon ni Luna Vice-mayor Romeo Resurrection maipapan ti nasao banag.
Kabayatanna, mapatta-patta nga umabot iti 200 tattao iti nakipaset iti prayer walk.
Naammuan a plano a maipatakder ti kambal a coal fired power plant ti Global Luzon Energy Development Corp. nga agbalor iti P80 billion ti August 2018 idiay Barangay Carisquis ken Nalvo Sur ti nasao nga ili.
Hati naman umano ang mga pananaw ng mga taga-Luna at iba pang naninirahan sa lalawigan sa mabuti o masamang epekto nito sa kabuhayan at kalikasan.
