LA UNION – Nakarikna ti panagbuteng iti maysa a residente idi makakita daytoy iti dua a corroded hand grenade bayat nga agkalkali iti igid ti balay na idiay Barangay Tabtabungao, Rosario, La Union.
Nabigbig daytoy a ni Junjun Heruela, 30, addaan asawa, residente ti nasao a lugar.
Amken ni Heruela a bumtak pay dagiti nasao nga eksplosibo isunga dagus na nga impaka-ammo daytoy kadagiti otoridad.
Dagus met a nagresponde iti Rosario Police ken naipasidong iti custodiya dagitoy dagiti dua a granada a mapapati a nausar idi maikadwa a gubat sangalubungan.
Nakatuding a mai-turnover dagiti dua nga explosives iti Regional Mobile Force Battalion 1 – Explosive Ordnance Division para iti umno a disposisyon.
