LIPA CITY, Batangas – Napapatay dagiti mangaresto a pulis ti maysa a 25-anyos a helper ti junckshop a maipagarup a nangrames iti ubing a babai kalpasan a limmaban daytoy idiay Barangay Lalayat, ili ti San Jose, Batangas.
Nabigbig ti suspek a ni Loly Pereda, residente iti syudad ti Lipa ti nadakamat a probinsya.
Kinuna iti Bombo Radyo ni S/Ins. Hazel Luma-ang Suarez, information officer ti Batangas Police Provincial Office, maipagarup a nagpaarayat ti biktima kaddua ti nanangna kadagiti agpatpatrolya a pulis kalpasan iti panangrames ti suspek.
Dagus a nagresponde dagiti pulis tapno kamaten ti suspek.
Idi nga arestarendan ti suspek nga agmanmaneho iti traysikle ket nangpaputok daytoy babaen ti cal .38 a paltog.
Natumba ti suspek kalpasan a balsen met daytoy iti panangpaltog dagiti pulis ken naiturong pay iti ospital ngem nauyos met laeng ti biagna.
Sigun pay kenni Zuarez a base iti impulong ti biktima ken imparanguyod ken binusalanna isuna ti panyo ni Pereda kabayatan a magmagna daytoy ken naiturong iti karuotan kasaruno ti panangrames.
Nagsardeng laeng ti suspek iti ar-aramidenna a kinadamsak ken naaddaan met ti gundaway a naglibas ti biktima idi nga adda ti traysikle a sumungsungad.
Iti agdama, maipaspasidong iti stress debriefing ti biktima gapu iti dakes a napasaran daytoy iti suspek. (Absalom Flores)
