LA UNION – Arestado iti maysa pay a Top 10 HVI- Regional Level iti insayangkat met laeng a search warrant operation dagiti otoridad idi bigat kalman idiay Brgy. San Julian West, Agoo, La Union.
Nagresulta daytoy iti pannakatiliw iti managan CARLOS DACANAY Y ESTACIO alyas “Caloy”, maysa a negosyante, ken maysa kadagiti miyembro ti Estoesta Drug Group, 38-anyos, residente iti nasao a lugar.
Babaen iti bileg ti search warrant nga impaulog ni Judge JACINTO DELA CRUZ JR, Executive Judge ti RTC Branch 33 idiay Bauang, La Union napetsaan ti April 25, 2022 sinukimat dagiti otoridad iti pagtaengan ti suspek ket nag-resulta daytoy iti pannaka-kumpiskar iti dua a pidaso ti heat-sealed transparent plastic sachet a maipagarop a shabu, more or less agdagsen ti 14 grams ken mapatta-patta nga agbalor ti 95,200.00
Malaksid dayta, kinumpiskar pay dagiti otoridad iti 2 pidaso ti empty sachets nga addaan ti suspected shabu residues ken drug paraphernalia (kabilang iti maysa a lighter, improvised bamboo forceps ken sumagmamano nga aluminum foil nga addaan ti suspected residue ti shabu).
Iti suspek ken dagiti nakumpiskar a droga ken drug paraphernalia ket naipasidong iti custodiya ti Agoo Police Station.
Sumangsango ti suspek iti kaso a panaglabsing iti RA 9165 wenno Comprehensive Dangerous Drugs Act of 2002.
