BR LA UNION – Immandar ti Palasyo ti Malacañang nga agsumite ti courtesy resignation ti amin nga opisyal iti sidong ti Presidential Communications Office (PCO).
Daytoy ket tapno maipaayan ti waya nga agdesisyon iti baro a PCO Secretary iti panangakem ti pagrebbenganna, base iti inyisyu a memorandum ni Executive Secretary Lucas Bersamin.
Sakopen ti nasao a direktiba iti amin a Presidential Appointees iti sidong ti PCO a saan a permanente iti appointment na.
Agingga idi Pebrero 28, ti naituding a petsa para iti panagsumite ti courtesy resignation dagiti concerned official.
Nabilin met ni PCO Secretary Jay Ruiz nga i-monitor dagiti PCO officials nga agtungpal iti nasao a direktiba.
Maipalagip a sinukatan ni Ruiz ni sigud a Communications Sec. Cesar Chavez kalpasan a naglosolos ti naud-udi, ket iti kangrunaan a direktiba iti sidong ti panangidaulo ni Ruiz iti PCO ket labanan ti disinformation.
