Inlatag ni Russian President Vladimir Putin dagiti serye ti kondisyon para iti ceasefire ti gyera ti nagbaetan da iti Ukraine.
Kinuna iti Russian president a suportaran na ti ideya ti ceasefire idiay Ukraine kas sungbat iti 30 nga aldaw a panggep para ti ceasefire nga immuna metten a pinaboran ti Ukraine kasaruno ti pannakipatang da iti Estados Unidos.
Sumagmamano kadagiti kondisyon ni Putin sakbay nga immanamong iti maysa bulan a ceasefire ket rumbeng a bigbigen pay nga umuna ti Ukraine ti annexation ti Russia ti Crimea ken kadagiti uppat nga rehiyon ti Donetsk, Kherson, Luhansk, ken Zaporizhzhia oblasts kas kanayonan nga annex.
Karaman pay dita ti panagatras dagiti soldado ti Ukraine kadagiti teritorio a kukua ti Russia kasta met ti panagsapata a saan da a agkiddaw ti panagbalin a miembro ti North Atlantic Treaty Organization (NATO).
Dagos met a binabalaw ni Ukrainian President Volodymyr Zelensky dagiti nakaad-ado nga preconditions ni Putin.
Mamati ni Zelensky nga amin dagitoy a kondisyon ket kabaroan manen a gandat a panagmanipula ti Russia iti pagilian da.
Inakusaran na pay ni Putin a mabuteng nga aklonen kenni US President Donald Trump a kontra isuna iti ceasefire nu sadino panggep na pay a pumatay ti ad-adu pay a Ukrainians.
