Pinilaan ti Quezon City Police District (QCPD) ti reklamo nga inciting to sedition ti pulis a nag-viral online gapo iti partisan remarks na kasaruno ti pannakaarestar kenni sigud a presidente Rodrigo Duterte.
Nilabsing ti pulis a ni Patrolman Francis Steve Tallion Fontillas ti Article 142 ti Revised Penal Code in relation to the Cybercrime Prevention Act of 2012.
Binabalaw ti pulis iti panangiparit kadakuada nga agpost, ag-share, ken agkomento seknan ti arig na panagkidnap iti sigud a presidente.
Binanatan na pay dagiti nangangato nga opisyales ti Philippine National Police (PNP) partikular ni General Nicolas Torre III ken Presidente Ferdinand Marcos Jr.
Segun iti Philippine National Police, nadestino ni Fontillas iti District Personnel and Holding Admin Section manipud idi Pebrero 20, 2025 ngem nag-AWOL idi pay Marso 6.
Kinuwestyon ni Patrolman Fontillas ti reklamo nga naipila kontra kenkuana ken impaganetget nga iwarwaragawag na laeng ti pakaseknan ken prinsipyo na.
Inlawlawag na pay a ti akusasyon a nag-AWOL daitoy babaen ti panag-post iti kopiya ti application para iti sangapulo nga aldaw a leave manipud Marso 6 agingga 9 nga insubmitir na met idi Marso 5, banag nga inaprobaran ken pinirmaan met ti chief administrator na.
Kinuna pay ti police officer a present idi ti tagibalay na iti panangisubmitir na ti application for leave.
Nagpalagip met ti QCPD kadagiti personnel da nga agtalinaed nga non-partisan ti amin nga gundaway ken liklikan ti ag-post kadagiti saan nga otorisado ken biased contents iti social media ken dadduma pay nga communication platforms.
Nagsapata met ti PNP nga itultuloy da ti kaso ni Fontillas nga addaan ti pagsungbatan ken due process kasta met ti commitment para iti panagserbi nga addaan ti integridad ken awan ti pilpilien.
