BR LA UNION – Intalek ti Malacañang Palace iti Anti-Money Laundering Council (AMLC) iti panang-sungbat ti freeze order kadagiti assets dagiti akusado, partikular ni sigud a Presidente Rodrigo Duterte, a maak-akusaran ti kaso a crime against humanity ken nu kiddawen daytoy ti International Criminal Court (ICC).
Segun kenni Palace Press Officer USec. Claire Castro awan ti pab-paboran ti Anti-Money Laundering Council (AMLC), isunga isuda ti maka-ammo a mangsungbat nu adda ti kiddaw.
Nu adda man iti freeze request kadagiti assets ti sigud a presidente ket sungbatan dayta ti AMLC.
Segun kenni Castro, nu amirisen ket rumbeng laeng a mai -freeze iti assets ti sigud a Presidente nga adda pakainaiganna iti plunder case nga indatag ni sigud a Senador Antonio Trillanes.
Malaksid kenni Duterte, karaman pay a kinaswan ni Trillanes ni Senador Bong Go.
Innayon ni Castro a no kasapulan a maited ti danyos kadagiti biktima ti EJK, aramidenda daytoy kas paset ti panangipaayda iti hustisiya.
