Pinaregta ti Commission on Elections (Comelec) iti publiko nga agipila ti reklamo kontra ti siasinuman nga aspirant wenno kandidato a karaman ti panaggatang ti botos ken dadduma pay a panaglabsing ti allagaden ti kampanya ken eleksyon.
Inaramid daitoy ni Comelec Chairman George Erwin Garcia kasruno ti panaglabsing dagiti dadduma a kandidato a karaman iti iregularidad.
Aminado ni Garcia a gapo iti immuna a desisyon ti Korte Suprema ket awan ti premature campaigning nupay mangnamnama da a mabaliwan pay daitoy.
Kasapulan laeng nga adda ti mangipila ti reklamo nga aksyunan tu met ti Comelec nga idanon iti nakangatngat a korte.
Impaganetget na a mabalin a mabaliwan ti posisyon iti Korte Suprema ngem kasapulan a maaddaan ti isyu a maiyuli daitoy tapno maimbestigaran dagiti mahistrado.
