BR LA UNION – Dinayyeg ti nagsaruno a napigsa a gingined iti Dalupiri Island idiay Calayan, Cagayan.
Maibasar iti PHIVOLCS Earthquake Bulletins, immuna a dinnayeg ti 5.3 magnitude a gingined iti nasao nga isla, agarop alas 12:54 ti parbangon.
Nadetermina ti episentro iti kaadayu a 13 kilometro amianan ti Dalupiri Island.
Aguneg ti 10 kilometro ken tectonic in origin.
Instrumental Intensities:
Intensity II – Claveria and Aparri, CAGAYAN; City of Laoag, ILOCOS NORTE
Intensity I – Gonzaga, CAGAYAN
Kabayatanna, iti maikadwa a gingined ket agpigsa ti 5.8 magnitude. Narikna iti oras ala 1:18 ti parbangon, Abril 28, 2025.
Nadetermina ti episentro iti kaadayu a 25 kilometro amianan ti Dalupiri Island.
Aguneg ti 10 kilometro ken tectonic in origin.
Instrumental Intensities:
Intensity IV – City of Laoag, ILOCOS NORTE
Intensity III – Aparri, and Claveria, CAGAYAN
Intensity II – Gonzaga, Penablanca, CAGAYAN; Solsona, ILOCOS NORTE
Segun iti PHIVOLCS, namnamaen iti aftershocks ken perdisyon iti dua a nagsaruno a panagdayyeg.
