Maysa a video ita ni Representative Paolo ‘Pulong’ Duterte ti trending iti social media gapo iti mapapati a panangkigla ken panangdangran na iti lalaki ti maysa a bar.
Ti biktima a managan ti Kristone John Patria ket makita a nakadumog ken agpapakaasi bayat a namin-anu a daras isuna a na-headbutt ken nadanog. Dua pay a sabali a lallaki ti nakadlaw iti tensyon ngem pinatalaw met isuda dagiti bodyguards ni Representative Duterte.
Babaen ti sworn statement a napetsaan ti Abril 26, inakusaran ni Patria ni Duterte iti physical injuries ken grave threats. Kinunana a nagtaud ti tensyon gapo iti saan a panagkakainnawatan iti bayad ti maysa a babae a kiniddaw ti mamanday-linteg a maitugot iti nasao a bar.
Segun kenni Patria, manipud pay second floor iti bar ket pinagsasatwan isunan ken pinilit a bumaba iti hagdan. Pinadas na iti aglibas ngem hinarang met dagiti tao ni Paolo Duterte ken inserra da pay ti arwangan.
Innayon na pay a ginandat pay ni Duterte a bagsolan isuna ken idi nakita dagiti bodyguards na nga adda ti CCTV ket impaiddep da dagitoy – banag a nakadanagan ni Patria. Nagpaot ti aganay dua oras iti tensyon ti dua iti bar ken kinunana nga adda pay ti kanito a pinangtaan isuna ni Duterte a patayen da isunan.
Kabayatanna, agarop alas-singko met iti bigat ket nangrugi a mangiyawat ni Representative Duterte iti kwarta – sangaribo a pisos ti tunggal danog, sipat, ken kugtar.
Nupay kasta, napagdesisyonan ni Patria a saanen nga agpaospital wenno i-report iti kapulisan ti napasamak gapo iti panag-amak a sublianan ti pamilya na wenno isuna dagiti Duterte.
