Natay ti sigud a Mayor ti Lagayan, Abra kalpasan a palpaltogan ti riding-in-tandem iti mismo a sangwanan ti balay na sadiay Barangay Dangdangla, Bangued, Abra itay bigat.
Nabigbig ti biktima a ni Jendricks Luna, 54-anyos. Maibasar ti report a nakadanon sadiay Camp Crame, pasado alas-8:22 ti bigat a napasamak ti insidente.
Nakatugaw laeng ti biktima idi kellat a simmangpet dagiti uppat nga armado a suspek a lubbon ti dua a motorsiklo.
Pinalpaltogan da ti sigud a Mayor ken naitaray pay daitoy iti ospital ngem naideklara metlaeng a dead on arrival.
Napartak a nakatakas dagiti suspek nga itan ken madama a mabirbiruk babaen ti dragnet operation dagiti kapulisan.
