BR LA UNION – Inbutaktak ni Vice President Sara Duterte, nga imbaga ti ina na a ni Elizabeth Zimmerman, a nasay-sayaat nga agawid laengen isuna idiay Davao ken bay-an ti kabsat na a ni Davao City Mayor Sebastian “Baste” Duterte a tumapog iti national elections.
Inaramid ti Bise Presidente iti waragawag kabayatan ti press briefing na idi kalman, Oktubre 6, 2026 idiay Davao City kasaruno dagiti isyu seknan iti pulitika.
Ngem inlawlawag ni VP Sara Duterte, nga awan pay iti seryoso a panagsarita da iti kabsat na seknan iti nasao nga isyu.
Maipalagip nga idi napan a lawas ket pinaayaban ti Senate impeachment court ni Mayor Duterte tapno tumestigo seknan dagiti negosyo a kukua ti pamilya da, a maipagarop a pon-ponduan ti Chinese government.
