Tinamaan iti mapapati a drone wenno projectile iti maysa a barko a nagkarga ti liquefied petroleum gas (LPG) bayat nga aglaylayag iti kadanuman idiay Black Sea idi Martes, segun kadagiti otoridad ti Bulgaria ken management company ti barko.

Maysa daytoy kadagiti serye ti insidente a mapapati nga adda pakainaiganna iti rinnupak idiay Ukraine.

Maibasar iti waragawag ti Bulgarian Defense Ministry, naisalbar dagiti 19 a tripulante, nga agpapada a Pilipino, ti barko a Gas Husky.

Segun met iti Greek management company nga Stealth Maritime, napasamak ti insidente idi parbangon kalman, Miyerkoles bayat nga aglaylayag idiay Black Sea, iti uneg ti exclusive economic zone ti Bulgaria.

Segun iti ministeryo, aglaylayag iti sidong ti bandera ti Liberia iti gas carrier ken nagkarga ti 3,400 tonelada ti liquefied petroleum gas (LPG) manipud Egypt agturong koma idiay Romania.

Aganay 14 a commercial vessel iti natirwanen ti drone idiay Black Sea, asideg iti Romania ken Bulgaria, sipud pay idi umuna a paset ti Oktubre.

Nasurok 30 a seamen iti natay ken mapukpukaw gapu kadagiti nasao nga insidente.

Naisalbar met ti Bulgarian transport ministry dagiti 12 a tripulante manipud Betul 8, a nagkarga iti binulto a trigo manipud Romania ken Egypt.