Inallukoy ti Pilipinas dagiti miembro ti Association of Southeast Asian Nations (ASEAN) nga agtultuloy ti pannakitinnulongda tapno mataginayon ti kinakapia ken seguridad iti rehion.
Iti panagleppas ti ASEAN Foreign Ministers Meeting sadiay Siudad ti Pasay ita a Sabado, kinuna ni Foreign Affairs Secretary Ma. Theresa Lazaro a ti panagtitinnulong dagiti pagilian ket saan kuma a rumbeng nga agpatingga iti miting ken katulagan.
No diket, nasken a maipatarus iti konkreto nga aramid a mangited ti direkta a pakagunggonaan kadagiti umili.
Karaman kadagiti prioridad ti Pilipinas ti panangpapigsa iti maritime security, disaster preparedness, climate security ken pannakitinnulong kadagiti pagilian iti ruar ti ASEAN.
Impaganetget pay ni Lazaro a masapul nga agtalinaed a natibker ti rehional a panagkaykaysa iti laksid dagiti krisis iti Middle East ken dadduma pay a karit iti seguridad.
