Inallukoy ni Japanese astronaut Dr. Koichi Wakata iti Pilipinas ken dadduma pay a pagilian a miembro ti ASEAN a palawaen iti pannakipaset iti space research, advanced manufacturing, ken human spaceflight kagiddan ti panangpalawa ti komersiyal nga operasyon iti law-ang.

Impaganetget ni Wakata, chief technology officer for Asia Pacific ti Axiom Space, iti oportunidad para kadagiti industriya, unibersidad, ken gobierno a makipaset iti scientific research ken commercial activities iti space.

Imbinglay na met iti plano ti Axiom Space a bumukel ti commercial space station nga agserbi a pasilidad para iti panagsukimat ken manufacturing, karaman iti semiconductor materials, pharmaceuticals, ken stem cells.

Segun kenni Wakata, idiaya ti microgravity iti naisangsangayan a kondisyon para kadagiti eksperimento ken panagbukel dagiti materyales a narigat nga aramiden ditoy Earth.