Siyam a katao ti natay ken saan a bumaba iti 28 ti nadundunor kalpasan a mangiyusuat ti Russia ti nasaknap a missile ken drone attack iti Ukraine a nagpaut iti nasurok 10 nga oras.

Segun iti Ukrainian authorities, nasurok 400 attack drones ken 110 missiles, pakairamanan ti 27 ballistic missiles, iti nausar iti panagraut, sumagmamano kadagiti natamaan ket dagiti rangtay, imprastraktura ti kuryente ken dagiti residential buildings.

Iti statement ni Ukrainian President Volodymyr Zelenskyy, karaman kadagiti target ket dagiti pasilidad a mangsupsuplay ti kuryente kadagiti nuclear power plant ken mangikonkonektar iti power grid iti Ukraine kadagiti kabangibang na a pagilian iti European Union.

Kinondenar met ni Zelenskyy ti panagaramat ti Russia ti luster warheads ken ti mapapati nga agsasaruno a panagraut tapnu lapdan ti rescue operations ken panangurnos kadagiti nadadael a pasilidad.

Kinondenar met ni NATO Secretary General Mark Rutte ti nasao a panagraut.

Nagpanawagan ni Zelenskyy kadagiti kaalyado ti Ukraine a papartaken ti panangipatulod ti air defense systems ken PAC-2 ken PAC-3 missiles tapnu maprotektaran ti pagilian kontra kadagiti sumaruno a panag-atake.