Nagpakdaar ti Philippine Institute of Volcanology and Seismology (Phivolcs) iti publiko para iti pangta ti phreatic wenno minor phreatomagmatic eruption ti Bulkang Taal iti kangitingitan ti panagngato ti seismic activity daitoy.
Manipud iti ballaag ti ahensya idi Dominggo, impadamag da a nakailista dagiti istasyon ti Taal Volcano Network idiay Taal Volcano Island ti panagngato ti real-time seismic energy measurement kalpasan ti nagsasaruno a volcanic tremors.
Segun iti Phivolcs, ti panagngato ti seismic activity, kasta met ti kaawan ti “degassing” manipud iti main crater ket indikasyon a naharangan wenno barado ti pagdalanan dagiti volcanic gas a mabali nga agresulta ti apagbiit a pressure buildup a mangigubuay ti panagbettak.
Agtultuloy met a mapalagipan iti publiko a nakapangato latta ti Alert Level 1 iti Taal Volcano agsipud ta abnormal iti kondisyon na nga addaan iti unrest wenno panag-alburoto.
Kabayatanna, maiparit met ti umuneg iti Taal Volcano Island ken panangpatayab ti aniaman a klase ti eroplano asideg ti crater.
