Silulukat ni Presidente Ferdinand Marcos Jr. iti rekomendasyon ti Department of Finance (DOF) a paulogan ti buis dagiti online gaming operators tapno maresolbar dagiti problema a patauden dagiti online gambling.
Segun kenni Palace Press Officer Claire Castro, ammo iti presidente ti peggad iti maysa nga indibidwal nga adik iti sugal isu a saan na a kontraen iti gakat, basta kunana ket adda iti umdas a panagadal mainaig iti klase ken sakop iti buis a maipaulog.
Malaksid iti daitoy ket mas strikto itan ti gobierno iti kampanya da kontra kadagiti saan a rehistrado nga online gaming platforms.
Kabayatanna, silulukat pay iti Palasyo nga adalen ti singasing a gakat para iti total ban kadagiti online games.
Dagiti amin a suhestiyon tapno limitaran ti epekto ti online gambling, nangruna kadagiti na-adiken iti nasao nga ay-ayam ket impasiguro ti Malacanan a suportaran amin ti Presidente.
