Inyanunsyo ti Korte Suprema nga inyatras dan ti oral arguments mainaig ti Maharlika Investment Funds.
Maisayangkat metlaeng iti oral arguments ngem awan met iti kanayunan a detalye ti impaay ti Korte Suprema seknan kadagiti rason iti panangitantan ken ti nakaiyakaran a baro a petsa.
Maipalagip a nakuwestiyon ti constitutionality ti Maharlika Investmend Fund – maysa a sovereign wealth fund – ken ipadpadeklara daitoy kas unconstitutional. Kiniddaw dagiti petitioners a mangiruar ti temporary restraining order ken writ of preliminary injunction ti Korte Suprema kontra iti nasao a Pondo.
Kabayatanna, nagserbi met kas petitioners isuda sigud a Senador Koko Pimentel, Bayan Muna Chairperson Neri Colmenares, ken sigud a Bayan Muna representatives Carlos Isagani Zarate ken Ferdinand Gaite, bayat a dagiti respondents met ket iti Bangko Sentral ng Pilipinas, Land Bank of the Philippines, ken ti Development Bank of the Philippines.
