Inawagan ti sigud a Senador ken agdama a Mamamayang Liberal (ML) party-list Rep. Leila de Lima a mailasing ti linteg ti second order ti Senate impeachment court iti prosecution panel ti Kamara de Representantes.
Nagtignay ni De Lima a saan a rumbeng nga agkiddaw ti Senado manipud ti Kamara ti mainaig iti impeachment case agsipud naaramid da metten iti pagrebbengan da ken nasken a sumarunon iti panagdengngeg.
Kinuna pay ti mamanday-linteg a nasken nga agannad ti Kamara kadagiti sumaganad nga addang da maipapan ti impeachment.
Sakbayna ket kiniddaw ti Senate impeachment court sadiay House prosecution panel a mangisubmitir ti resolution a mangratipikar kadagiti addang ti Kamara iti sidong ti 19th Congress kontra iti Bise Presidente.
Segun kenni House prosecutor ken Iloilo Rep. Lorenz Defensor, saan da pay a napagtataripnongan, kas mangbukel iti 20th Congress, ti ti maipanggep iti second order ti Senado ngem impaganetget na a nasken a masurot ti aniaman a pammilin a naggapo iti impeachment court.
Laksid daitoy ket nakasagana met iti prosecution panel nga ipresentar dagiti ebidensiya iti impeachment case kontra kenni VP Sara ken ur-urayen da laengen ti proseso iti impeachment pre-trial ti Senado.
