Indeployen ti US Pacific Air Forces (PACAF) para iti umuna a gundaway ti maysa kadagiti most advanced fighter jets da nga F-35 Lightning II stealth fighter jets para ti Cope Thunder 2025 military exercise.
Daitoy ket kasaruno ti panagrugrugi ti bilateral military drills ti nagbaetan ti Philippine Air Force ken PACAF a naisayangkat sadiay West Philippine Sea nga agpaot ti agingga dua a lawas manipud Hulyo 7 agingga 18.
Maibilbilang ti F-35 kas “most advance, versatile, and lethal fighter jets” ti intero a lubong.
Segun kenni Lieutenant Colonel Bryan Mussler, Commander ti 421st Fighter Squadron ng PACAF, iti F-35 ket fifth generation aircraft a naaramid para ti kanayunan nga offensive counter air ken interdiction purpose. Kinunana a ti F-35 pay iti pundasyon dagiti puersa ti Estados Unidos ken addaan da ti napigsa a relasyon iti PAF.
Para met iti biang ti Philippine Air Force, kinuna ni Colonel Jonathan de Leon, Cope Thunder – PAF Exercise Director a napinpintas latta ti kaadda ti presensiya dagiti F-35 fighter jet gapo ta maysa daitoy a mangpapigsa iti interoperability, koordinasyon, ken epektibo nga operasyon iti panagsango kadagiti karit iti Indo-Pacific Region.
Ti kinapateg daitoy ket tapno mapamilyar dagiti kasundaluhan iti Pilipinas, partikular ti PAF iti panangimaton kadagiti kastoy a klase ti eroplano. Daitoyen ti maikadua nga iteration ti training kasaruno ti Cope Thunder 2025 I idi bulan ti Abril.
