Target ti Department of Education (DepEd) ti probinsya ti Negros Oriental para kadagiti 34,465 nga estudyante a maipasidong ti school-based feeding program para ti school year 2025-2026.
Segun iti DepEd, sakopen ti programa dagiti amin a kindergarden ken non-graded learners, pakairamanan dagiti ubbing nga adda iti sidong ti special education (SPED).
Kadagiti naglabas a tawen ket nakapamaysa ti programa kadagiti estudyante manipud Grade 1 agingga Grade 6. Nailasin dagitoy kas “wasted” ken “severely wasted” wenno dagiti kurang ti timbang ken natiltil iti panagdakkel da.
Aganay P112M ti intukon a pondo ti DepEd ken idi napalabas a school year ket dimmanon ti 22K iti pakabuklan a 179K nga estudyante ti probinsya ti nagnumar iti programa.
Kabayatanna, impadamag ti Provincial Health Officer a bimmaba ti agingga 9.2% ti stunting rate idiay Negros Oriental, nababbaba iti national average a 30%, bayat a ti wasting rate ket dumanon ti 2.3%, ken ti underweight rate dumanon ti 4.9%.
Maibasar ti datos, ti Guihulngan City ti addaan ti kaadduan a kaso ti underweight ken stunted nga ubbing, bayat a mangidadaulo met ti ili ti Mabinay para ti kaso ti wasting.
