Kinarit nga agpa-lie-detector test iti whistleblower ken maysa nga akusado ti kaso dagiti “missing sabungeros” a ni Julie Patidongan alias “Totoy” ni retired judge ken Philippine Charity Sweepstakes Office (PCSO) chairman Felix Reyes.
Daitoy ket kalpasan a pinaglibakan ti retirado nga hukom ti akusasyon ni Patidongan a panag-areglo na kadagiti kaso ti negosyanteng a ni Atong Ang.
Kinuwestyon pay ni Reyes ti “timing” ti panangibutaktak kadagiti akusasyon kontra kenkuana kasaruno ti aplikasyon na para ti posisyon ti kina-Ombudsman.
Segun met kenni Patidongan, sakbay nga agpa-lie detector test isuna ket kasapulan na pay nga agpakonsulta iti abogado na.
Nagtaud iti hamon ni Patidongan kenni Reyes gapo iti panagbiahe ti hukom idiay ballasiw-taaw kakadwa dagiti prosecutors ken sabali pay nga hukom para iti akusasyon na a panang-areglo ti kaso ni Atong Ang.
