Plano ti House Quad Committee nga agtuloy agingga ita a 20th Congress.
Segun kenni Manila 6th district Rep. Benny Abante, maysa kadagiti isyu a denggen da ita a Kongreso ket ti kaso dagiti mapukpukaw a mammallot a mapapati a naibelleng sadiay Taal Lake.
Inlawlawag ni Abante a masakopan paylaeng daitoy ti extrajudicial killings wenno EJKs a rinugian nga inimbestigaran ti Quad Comm idi napalabas a 19th Congress.
Dinakamat na pay ti posible a panangimbitar da kas resource person iti whistleblower ti kaso a ni Julie Patidongan alias “Totoy” ken ti prominente a negosyante a ni Atong Ang.
Ni Atong Ang ti itudtudo ni Patidongan a mastermind ti pammapatay ken panangibelleng idiay Taal Lake dagiti nasao a “missing sabungeros”.
