Papaimbestigaran ni Senador Robinhood Padilla ti alegasyon a nabayadan ken nasulsolan dagiti testigo iti panagdengngeg idiay Senado.
Nupay kasta, awan met iti ninaganan ni Padilla nu sino wenno ania iti dakdakamaten na iti impila na a resolusyon.
Nakalanad iti resolusyon na iti pagkasapulan a maimbestigaran dagiti alegasyon tapno maamwan ti pagkapsutan ti Senado maipapan ti unethical activities klen makaaramid kadagiti rekomendasyon a mangprotektar ti integridad ti legislative process kasta met iti panangdusa kadagiti mangar-aramid ti unethical practices.
Apaman a mapaneknekan a pudno dagiti alegasyon seknan ti panagbayad kadagiti nagtestigo iti Senado, kinunana a sigurado a makompromiso, maisagmak ti kredibilidad dagiti imbestigasyon, ken madadael na iti talek ti publiko.
Maipalagip a inakusaran ni alyas Rene ni Senadora Risa Hontiveros a nangbayad kenkuana tapno agtumestigo kontra kenni Kingdom of Jesus Christ (KOJC) founder Pastor Apollo Quiboloy ken inraman na pay iti saritaan da sigud a Presidente Rodrigo Duterte ken Bise Presidente Vice President Sara Duterte iti isyu ti nasao religious group.
