Mangipila kadagiti countercharges iti whistleblower a ni Julie Patidongan alias Totoy kontra iti negosyante a ni Atong Ang nga intudo na kas mastermind iti panangpatay kadagiti missing “sabungeros”.
Segun kenni alias Totoy, nakatuding nga ipila na dagiti nasao a countercharges inton aldaw ti Lunes. Ditoy na a sungbatan dagiti reklamo nga imbales kenkuana ni Ang.
Nagtaud daitoy iti reklamo met ni Ang kontra kenni Patidongan a kunana ket gandat a kikilan isuna ti P300M tapno saanen a mairaman ti nagan na iti kaso.
Sakbayna ket imbutaktak ni Patidongan a ni Ang iti nangibaon iti panangpatay kadagiti mataktakuatan a mangar-aramid iti “tyope” wenno panagsaur iti pallot.
Nainget met a pinaglibakan ni Ang iti alegasyon ken kinuna nga awan ti aniaman a basaran dagiti pammabasol ken maysa laeng a gandat tapno dadaelen iti nagan na.
