Opisyalen a nagsapata kas complainants ti kaso dagiti missing sabungeros ti whistleblower a ni Julie Patidongan alias “Totoy” kakadwa dagiti pamilya dagiti biktima idiay National Police Commission (Napolcom) headquarters ita nga aldaw ti Lunes, Hulyo 14.
Nagbalin nga emosyonal ni Patidongan kasaruno ti rebelasyon na a binutbuteng isuna ti intudo na a mastermind ti kaso a ni Mr. Atong Ang.
Segun kenni Patidongan, pinangtaan ni Ang ti pamilya na nga isu metten ti nakakumbinsar kenkuana nga agsao ken agtestigo.
