Inrekomenda ni U.S. President Donald Trump kenni Ukrainian President Volodymyr Zelenskyy a pabettaken dagiti lugar a teritoryo ti Russia, pakairamanan iti Moscow babaen iti American long-range weapon.
Napasamak iti saritaan dagiti dua a leader babaen iti telepono idi Hulyo 4, maysa nga aldaw kalpasan iti panagpatang da Trump ken ni Russian President Vladimir Putin.
Iti panagsarita da kenni Zelenskyy, dinamag ni Trump no kabaelan ti Ukraine a pabettaken iti Moscow babaen ti panangaramat ti US-manufactured ATACMS missiles.
Daytoy a panangallukoy ket kalpasan a nadismaya ni Trump iti kinaawan ti interest ni Putin nga urnusen iti susik da iti Ukraine.
Maipalagip nga impasardeng ti pentagon iti plano idi ti administrasyon ni Biden nga ipaayan iti Ukraine ti ATACMS missiles, ngem naisubli iti saritaan babaen iti administrasyon ni Trump.
Immuna ti daytoy, plano ti Amerika a mangipatulod dagiti advanced military weapon idiay Ukraine, pakairamanan iti Patriot missile defense systems a nabayagen a kidkidawen ti Kyiv para iti depensada kontra kadagiti air attacks.
Kabayatanna, kagiddan daytoy iti panangipataw ni Trump kenni Putin ti 100% a taripa no saan a sumungbat iti las-ud ti 50 nga aldaw.#
