Tinawagan ni Israeli Prime Minister Benjamin Netanyahu ni Pope Leo XIV.
Napasamak iti panagsarita ti dua kalpasan iti airstrike ti Israel iti Holy Family Church idiay Gaza a nakatayan dagiti tallo nga indibidwal ken nasurok a 10 dagiti nadundunor.
Dumanon iti nasurok 600 a Palestino iti temporaryo nga agtaltalinaed iti nasao a simbaan manipud idi timpwar iti riribuk.
Segun iti Vatican, inallukoy manen ti Santo Papa ni Netanyahu a maaddaan ti negosasyon iti nagbaetan da ti Hamas tapno naan-anayen a maipasardeng iti giyera.
Nagpanawagan met ni Pope Leo XIV iti kinapateg ti panangsalaknib kadagiti simbaan kangrunaan kadagiti namati ken amin nga umili ti Palestine ken Israel.
Impasiguro met ti Santo Papa a saan a mapukaw iti panagkararag na para kadagiti umili idiay Gaza ken Israel a maip-ipit iti riribuk.#
