Agtultuloy iti search and rescue operations idiay Vietnam para kadagiti lima pay nga indibidwal a mapukpukaw kasaruno a nabaliktad iti maysa a bangka idiay Ha Long Bay, Vietnam.
Ti “Wonder Sea” ket addaan iti 48 a pasahero ken lima a tripulante, 37 kadagitoy iti kumpirmado a pimmusay, idi napattog iti bangka gapo iti kellaat a panagbuyat ti napigsa a tudo ken dakes a paniempo.
Kaadwan kadagit pimmusay a pasahero ket agkakabagian manipud Hanoi, kaadwan ket ubing a dumanon iti 20 ti bilang na.
Segun kadagiti otoridad, 11 a tattao ti naispal bayat a 34 a bangkay ti narekobre agingga idi Sabado ti rabii. Tallo met a tripulante iti nasarakan a natay iti uneg ti cabin bayat nga agtultuloy latta a mabiriruk dagiti lima a mapukpukaw agingga iti agdama.
Nangipadanonen iti pannakiladingit na ni Vietnamese Prime Minister Pham Minh Chinh kadagiti naibati dagiti pimmusay ken binilin na dagiti maseknan nga ahensya ti gobierno da a mangisayangkat iti imbestigasyon kasta met a dusaen ti siasinoman a nagbiddut iti insidente.
