BR LA UNION – Tumulong metten ti Estados Unidos iti Pilipinas para iti relief and rescue efforts kadagiti biktima ti nalawa a panaglayos ditoy pagilian, a ginubway ti sumagmamano nga aldaw a panagtudtudo, kalpasan iti panagduprak ti bagyo Crising ken agtultuloy nga epekto ti Habagat.
Daytoy iti kinumpirma ni Defense Secretary Gilberto Teodoro kalpasan ti pannakitaripnong na kadwa ni Presidente Ferdinand Marcos Jr. kenni US Secretary of Defense Pete Hegseth.
Rinibu nga umili a Pilipino iti apektado ti layus iti nadumaduma a rehiyon ti pagilian.
Iti maysa a video message, kinuna ni Secretary Teodoro nga immanamong ti gobiyerno ti US, babaen ti Indo Pacific Command, nga idauluan ni INDO PACOM Commander Admiral Samuel Paparo, a tumulong iti Pilipinas.
Ti crisis action center ti Indo Pacific Command ket mangideploy iti tulong, alikamen, ken air assets a kadua ti Armed Forces of the Philippines nga idaulwan ni AFP Chief of Staff Gen. Romeo Brawner.
Activated metten dagiti lugar ti Enhanced Defense Cooperation Agreement wenno EDCA sites, nga agserbi kas staging points para iti response efforts.
Combined efforts manipud US Armed forces ken AFP iti aramiden a relief and rescue efforts nga addaan tarigagay nga agsalbar ti biag dagiti umil nga ag-peligro gapu iti panaglayos, ken agitulod ti taraon kadagiti adda iti evacuation centers.
Inwaragawag pay ni Sec. Teodoro a malaksid iti US, nagkomit metten a mangipaay ti tulong iti dadduma a pagilian a kaalyado ti Pilipinas.
