Balligi a naisayangkat ti Armed Forces of the Philippines (AFP) iti rotation and resupply (RORE) mission idiay Ayungin Shoal ita a lawas, nga awan iti naipadamag nga aberya, segun kenni AFP spokesperson for the West Philippine Sea Rear Admiral Roy Vincent Trinidad.
Kinuna ni Trinidad, paset ti regular nga operasyon ti militar iti nasao a misyon tapnu masukatan dagiti kameng kan maipatulod dagiti kasapulan a suplay kadagiti Pilipino a naka-deploy iti BRP Sierra Madre nga adda idiay Ayungin Shoal.
Impaganetget ti opisyal nga agtultuloy iti AFP ti panangiyuswat dagiti misyon ken saan daitoy a kasapulan nga agkiddaw ti pammalubos iti China tapnu aramiden iti mandato.
Kasaruno daitoy ti waragawag ti China Coast Guard a maipagarop nga inaramid ti Pilipinas iti panangipatulod ti suplay iti BRP Sierra Madre iti pammalubos ti China.
